Author
ParbatNepal
ParbatNepal

Correspondent, ParbatNepal

2 months ago

186




मौसम परिवर्तन हुँदा लाग्ने रोगहरु र बच्ने उपायहरु
मौसम परिवर्तन हुँदा लाग्ने रोगहरु र बच्ने उपायहरु

मौसम परिवर्तन हुने बेलामा धेरै व्यक्ति बिरामी परेको हामी देख्छौं । गर्मी मौसमबाट जाडोयाम आइपुग्नुअगाडि, वर्षाकालको आसपास र जाडोबाट गर्मी लाग्ने बेलामा प्रायः नयाँ (एक्युट)  रोगहरू बढ्ने, भाइरस, ब्याक्टेरिया, एक एवं बहुकोषीय कृमिहरू (अमिबा, जियार्डिया, जुका, चुर्ना आदि) को संक्रमण वृद्धि हुने र पहिल्यै भैरहेका पुराना रोगहरूले च्याप्ने हुन्छ । यस्ता मौसमी समस्याहरूले कतिपय अवस्थामा एकजनामा मात्र सीमित नभै एउटै परिवारका धेरैलाई एकैपटक थला पार्ने हुन्छ । कहिलेकाहीँ त एक परिवारमा मात्र सीमित नभई महामारीको रुपमा कैयौं परिवारमा रोग फैलिन्छ । रोगहरू पनि एउटा मात्र नभएर विभिन्नि किसिमका हुन सक्छन् ।जीवनशैलीका केही नियमहरू पालना गर्ने र उपचार विधिहरू पनि अपनाउने गर्दा त्यस्ता रोगहरूलाई बेलैमा नियन्त्रण गर्न सकिन्छ । यसो गर्दा रोग जटिल अवस्थामा पुग्न पाउँदैन र महामारीको रुपमा फैलन सक्ने सम्भावनालाई पनि घटाउँछ ।

मौसम परिवर्तन हुँदा लाग्ने रोगहरु M

सिजनल फ्लु

टाइफाइड

रुघा, खोकी

दम

झाडा पखाला

छाला सम्बन्धि रोगहरु

श्वासप्रश्वास प्रक्रियामा समस्या आदि

 

मौसम परिवर्तन हुँदा रोग लाग्ने कारणहरुः

सामान्यतया हाम्रो शरीरमा रोगसँग लड्ने क्षमता इम्युनिटी पावर हुन्छ जसले हाम्रो शरीरलाई रोगसँग लड्न मद्दत गरी शरीरलाई रोगहरुबाट बचाइरहन्छ तर, मौसममा हुने फेरबदलसँगै हाम्रो शरीरको पनि सामान्य प्रक्रियामा बदलाब हुन आउँछ त्यस्तो अवस्थामा हाम्रो शरीरमा केहि किटाणुहरु सक्रिय हुन्छन् साथै शरीरको इम्युनिटी पावरमा तलमाथि हुन्छ जसले गर्दा हामीलाई मौसम परिवर्तन हुदाँ विभिन्न रोगहरु लाग्ने गर्दछ

 

विशेष गरेर मौसम परिवर्तन मानिसलाई सिजनल फ्लु अथवा एक प्रकारको एलर्जी हुने गर्दछ त्यस्तो अवस्थामा के हुन्छ भने मौसम परिवर्तन हुदाँ वातावरणमा पनि बिरुवाहरुको फूल फुल्ने, फूल फुले सँगै त्यसका बियाँहरु झर्ने प्रक्रिया जारी रहन्छ जसलाई हामी हाम्रो स्वास्थसँग गाँसेर हर्ने गदैनौ तर, त्यसको प्रत्यक्ष असर हाम्रो स्वास्थमा परिरहेको हुन्छ बिरुवाबाट फूल झर्दा, बियाँहरु झर्दा त्यसबाट सासाना आँखाले नदेख्ने कणहरु अथवा मोलिक्युलहरु वातावरणमा फैलिरहेको हुन्छ जो हामीले लिने हावाको माध्यमद्धारा सिधा स्वासप्रश्वास नलीमा जान्छ त्यसपछि हामीलाई रुघाँ, खोकी जस्ता समस्या भई दिर्घकालिन रुपमा दम रोगको शिकार बनाउँछ

 

हाम्रो शरीरको सम्पूर्ण भाग बाहिरी रुपमा छालाले ढाकेर भित्री शरीरलाई बचाइराखेको हुन्छ मौसम परिवर्तन हुँदा छालामा सुख्खापन बढ्छ त्यसले गर्दा छालामा लाग्ने रोगहरुलाई प्रश्रय दिइरहेको हुन्छ त्यस्तो अवस्थामा हातगोडाका छाला फुट्ने, फुस्रो हुने, खटिरा आउने गर्दछ

 

त्यस्तै मौसम परिवर्तन हुँदा वातावरणमा हुने ताफक्रमको फेरबदलले वातावरणमा रहेका विभिन्न किटाणुहरु एकदमै सक्रिय हुने गर्दछन् तिनीहरु अरु अवस्थामा भन्दा बढी नै सक्रिय हुने गर्दछन् जस्तो कि रोटा भाइरस, ई।कोलाइ लगायतका किटाणुहरुले हामीलाई झाडापखाला लगायत रोगहरुको संक्रमण हुन जान्छ

 

मौसम परिवर्तन हुँदा लाग्ने रोगका लक्षणहरु

रुघा, खोकी लाग्नु

बान्ता हुनु

धेरै पटक सुख्खा खोकी लाग्नु

खानपिनमा रुची हराउँदै जानु

सास फर्न समस्या हुनु

छाती भारी भएझैं महशुस हुनु

नाक बुझिनु अथवा बुझिएझैं महशुस हुनु

निरन्तर ज्वरो आउनु, शरीरको तापक्रम बढ्नु

पखाला लाग्नु

आउँ लाग्नु

शरीरको छालाहरु फुट्नु घाँउ तथा खटिराहरु आउनु

 

मौसम परिवर्तन हुँदा लाग्ने रोगबाट बच्ने घरेलु उपायहरु

 

सकभर घरबाट बाहिर जाँदा मास्कको प्रयोग गर्ने

आफ्नो घरआँगन वरिपरिको वातावरण सफा राख्ने सुख्खा हुन नदिने

नाक सुख्खा भएमा मनतातो पानीले हल्का गरी नाकको भित्रसम्म पानीले सफा गर्ने

आफुलाई के कुराबाट एलर्जी भइरहेको पहिचान गरी सकभर त्यस्तो चिजबाट टाढै रहने

दिनमा धेरै पटक सुख्खा खोकी लाग्यो अथवा सास फेर्न अप्ठ्यारो भयो भने सिजनल फ्लु हो भनेर जान्ने नजिकैको स्वास्थ्य संस्थामा गएर चिकित्सकको सल्लाहअनुसार औषधीको प्रयोग गर्ने

 

हाम्रो शरीरको छाला पुरा शरीर सुख्खा हुन नदिन मोस्चराइजर क्रिमको प्रयोग गर्ने जसले गर्दा हामीलाई मौसम परिवर्तन हुदाँ लाग्ने विभिन्न छालाका रोगहरुबाट बचाउँछ

खाना खानुअघि साबुन पानीले राम्रोसँग हात सफा गर्ने

शौचालयलाई नियमित सफा राख्ने

ज्वरो आयो भने शरीरमा किटाणुको संक्रमण भयो भनेर थाहा पाउनु पर्दछ पहिला घरमै पानी पट्टी गर्नु पर्दछ

पोषणयुक्त खानपिनमा ध्यान दिने जसले गर्दा हाम्रो शरीरको इम्यूनिटी पावरलाई अझ मजबुत बनाउन मद्दत गर्दछ

सम्बन्धित समाचार (जिल्ला )