गुराँस लाईफद्धारा अभिकर्ता उत्प्रेरणा तालिम
admin     3 weeks ago     104
गुराँस लाईफद्धारा अभिकर्ता उत्प्रेरणा तालिम


पुष ११ पर्वत -

पर्वत, वागलुङ र म्याग्दीका अभिकर्ताहरुलाई उत्प्रेरणा तालिम प्रदान गरिएको छ ।  गुराँस लाईफ ईन्स्योरेन्स कम्पनीको आयोजनामा उक्त तालिम सञ्चालन गरिएको हो । सोमवार वागलुङमा तीनै जिल्लाका ९३ जनाको सहभागीतामा उत्प्रेरणा तालिम सञ्चालन गरिएको वागलुङ शाखा प्रमुख विष्णु तिवारीले जानकारी दिए । 

तालिममा कम्पनीका नयाँ स्किम, विमाका नयाँ नीतिगत व्यवस्था, नयाँ संरचनामा गर्नुपर्ने कार्यहरु र विमामा जनमानसको विश्वास वढाउने तरिकाको वारेमा जानकारी दिइएको तिवारीले वताए । तालिमको सहजीकरण गुराँस लाईफ इन्स्योरेन्स पोखराका मार्केटिङ प्रमुख श्यामप्रसाद तिमिल्सीनाले गरेका थिए । उनले तालिम लिएपछि अभिकर्ताहरुमा थप उर्जा मिलेको वताए ।