बिद्यालयको शैक्षिक बिकासमा कतार बस्ने प्रबासीको सहयोग
adminBharat     10 months ago     39
बिद्यालयको शैक्षिक बिकासमा कतार बस्ने प्रबासीको सहयोग

पर्वतको कुस्मा नगरपालिका वडा नं १४ आर्थर डाडाँखर्कस्थित शुभकल्याण निम्न माध्यामिक बिद्यालयलाई कतारमा बस्ने प्रबाशीहरुले आर्थिक सहयोग गरेका छन ।
बिद्यालयको शैक्षिक र भौतिक बिकासका लागि आर्थर डाडाँखर्क समाज कतारले ५० हजार रुपैया आर्थिक सहयोग गरेको हो ।
बिद्यालयमा अंग्रेजी माध्यमबाट पठनपाठन सञ्चालन गर्नका लागि समाजले उक्त रकम सहयोग गरेको हो । समाजका सचिब लेखनाथ रिमाल र सल्लाहकारहरु हिमलाल शर्मा र काजी गुरुङ्गले बिद्यालयलाई एक समारोहका बिच सहयोग रकम बिहीवार हस्तान्तरण गरेका छन । बिद्यालयको शैक्षिक र भौतिक बिकासका लागि समाजका सदस्यहरुले रकम संकलन गरेर सहयोग गर्दै आएको सचिब लेखनाथ रिमालले जानकारी दिनुभयो ।
उक्त कार्यक्रममा कुस्मा नगरपालिका वडा नं १४ का वडा अध्यक्ष भिमप्रसाद गुरुङ्गले बिदेशमा रहेर पनि समाजको बिकास र शैक्षिक क्षेत्रमा कतार समाजले गर्दै आएको सहयोग उदाहरणीय भएको बताउनुभयो ।
बिद्यालय ब्यबस्थापन समितिका जेष्ठ सदस्य पुरुषोत्तम रिमालको अध्यक्षतामा भएको कार्यक्रममा समाजसेवी तथा नेकपा(एमाले) नगरकमिटीका अध्यक्ष याम गुरुङ्गले आफ्नो गाउँको समाज सुधारका लागि सहयोगलाई बढाउँदै जान आग्रह गर्नुभयो । समाजका सल्लाहकार हिमलाल शर्माले आगामी दिनमा पनि यस्ता सहयोगहरुलाई निरन्तरता दिइने जानकारी गराउनुभयो । सोही अवसरमा बिद्यालयले कुस्मा नगरपालिका –१४ मा निर्वाचित जनप्रतिनिधीलाई बधाई र सम्मान गरेको थियो ।