फागुन २९, पर्वत । पर्वतको पैयु गाउँपालिकामा श्रद्धाञ्जली सभा सम्पन्न भएको छ । नेपाली काँग्रेस पार्टीका पुराना नेता एवं प्रजातन्त्र सेनानी ८८ बर्षिय  स्वर्गिय गुप्तप्रताप सेनको १३ औँ दिनको पुण्यतिथीमा नेपाली काँग्रेस पैयु गाउँपालिकाले श्रद्धाञ्जली सभा आयोजना गरेको हो । सेनले नेपालको प्रजातान्कि आन्दोलनमा सक्रिय भुमिका निर्वाह गर्नुभएको थियो ।

कार्यक्रममा बोल्दै पैयु गाउँपालिका अध्यक्ष खगेन्द्रप्रदसाद तिवारीले स्वर्गिय गुप्तप्रताप सेनको निधनप्रति गहिरो दुःख व्यक्त गर्नुभयो । ‘काँग्रेस पर्वतका पुराना नेता सेनको निधनले मलाई दुखित बनाएको छ, सेनले नेपालको प्रजातान्त्रिक आन्दोलन तथा पार्टी संगठनमा पु¥याउनुभएको योगदान महत्वपूर्ण छ, तिवारीले भन्नुभयो । कार्यक्रममा नेपाली काँग्रेस पर्वतका सचिव अशोक उच्चै ठकुरीले स्वर्गिय सेनको निधनले पार्टीलाई अपुरणिय भएको बताउँदै सिहँको आत्माको चिरशान्तिको कामनाका साथ शोकसन्तप्त परिवारजनप्रति समवेदना व्यक्त गर्नुभयो ।

कार्यक्रममा नेपाली काँग्रेसका नेता एवम् पूर्व महाधिवेशन प्रतिनिधी गिरिराज गौत्तम, पैयु गाउँपालिकाकी उपाध्याक्ष जसमति गुरुङ, नेकपा पैयुका नेता युवराज सेन, अर्का नेता ललितप्रताव सेन लगायतले बोल्नुभएको थियो । नेपाली काँग्रेस पैयु गाउँपालिका सभापति डम्वर कुमार प्रधानको सभापतितव्मा सम्पन्न भएको कायक्रमको संचालन पैयुका युवा नेता गुप्तप्रताव सेनले गर्नुभएको थियो ।