बैशाख ३१, पर्वत । लोकदोहोरी गित ‘सालको पातको टपरी ’ को म्युजिक भिडियो युट्युव अत्याधिक हेरिएको छ । दुई बर्ष अगाडी बजारमा आएको गितको म्युजिक भिडियो युट्युवमा करिव ६ करोड भ्युअर्स पाएको छ । लोकदोहोरी गायक बसन्त थापाको युट्युव च्यानेलवाट सार्वजानिक भएको गित आजका मितिसम्म ५ करोड ९७ लाख ९६ हजार ७ सय ४८ जनाले हेरेको पाईएको छ ।

उक्त गित नेपाली लोक साँगितिक क्षेत्रमा निकै चर्चित  गायक कुलेन्द्र विश्वकर्माले बजारमा ल्याएका हुन् । पर्वतको फलामखानीमा जन्मिएका गायक विश्वकर्माका अत्याधिक गित सफल मानिन्छन् ।

सो गितमा नवराज पन्तको शब्द, वसन्त थापाको सङ्गीत रहेको गीतमा कुलेन्द्र विश्वकर्मा र विष्णु माझीको स्वर छ । यिनै चार सर्जक, कलाकारनेपाली  मिलेर विसं २०६८ मा ल्याएको लोकदोहोरी गीत ‘डाँडै फुर्के सल्लो’ पनि त्यसताका निकै चर्चित बनेको थियो ।

सालको पातको टपरी’ छोटो अवधिमा युट्युबमा धेरै हेरिएको लोकदोहोरी गीत हो । युट्युब बाहिर पनि गीतको लोकप्रियता उत्तिकै बढेको छ । रचना, स्वर र सङ्गीत तीनै पक्ष स्रोताले निकै रुचाएका छन् । ‘म्युजिक भिडियो’ ले युट्युबमा दर्शक तानेको छ । शब्द, सङ्गीत, स्वरसँगै अभिनय र भिडियो निर्देशन पनि उत्कृष्ट रहेकोले दर्शक स्रोताको मन जितेको कलाप्रेमीको तर्क छ । भिडियो मा नायिका मरिष्का पोखरेलसँगै गायक विश्वकर्मा र सङ्गीतकार थापाको अभिनय छ । निर्देशन शिव विकले गरेका हुन् ।

गितको म्युजिक भिडियो ।।