पर्वत सेवा समाजले यूकेले नयाँबर्षको अवसरमा आयोजना गरेको नयाँ बर्षको बिशेष कार्यक्रममा गायक बिमलराज क्षेत्रीले युकेमा बसोबास गर्ने नेपालीहरुलाई छमछमी नचाएका छन् । लामो थकान र दौरानका बिच युके पुगेका गायक क्षेत्रीले करिव एक दर्जन गित गाएर उपस्थित दर्शकहरुलाई जुरुक्क जुरुक्क हुने गरि प्रस्तुती दिए । जव उनले मञ्चमा माईक समाएर गित गाउन शुरु गरेथे दर्शकहरु ननाचिकन बस्नै सकेनन् । यो बर्ष अप्रिल २१ मा अल्डरसटस्थित एम्पायर हलमा भव्य कार्यक्रमको आयोजना गरिएको थियो ।

सोही कार्यक्रममा अतिथी कलाकारको रुपमा बिमलराज क्षेत्री पुगेका थिए । उनले स्वर दिएका दोहोरी र लोकगित सुनेर युकेवासी पर्वते नेपालीहरु मन्त्रमुग्ध नै बने । गायक क्षेत्रीको आवाजमा फिदा हुने यूवायूवतीहरु धित मर्ने गरि नाचेर मनोरन्जन लिएका थिए । उनको प्रस्तुतीलाई युकेमा रहेका नेपालीहरु सहित पर्वत नेपाल डट.कमको टोलीले फेसबुक मार्फत लाईभ समेत गरेको थियो ।