Correspondent, ParbatNepal
8 years ago
1801
माघ १८, पर्वत । नेपालकै अग्लो वडागाउँ– मुडिकुवा झोलुङ्गेपुलमा मोटरसाईकल गुडाउन रोक लगाईएको छ । पुलमा मोटरसाईकल चलाउँदा पैदल यात्रुलाई समस्या भएको गुनासो आएपछि प्रसासनले मोटरसाईकल चलाउन निषेध गरेको जनाईएको छ ।
यसअघि निर्वाध रुपमा मोटरसाईकल पुलमा चल्दै आएका थिए । दैनिक रुपमा सयौँको संख्यामा मोटरसाईकल वारपार हुने गरेका थिए । फलेवास नगरपालीका, विहादी, महाशिला र पैयुँ गाउँपालीकाका वासिन्दा यो पुल हुँदै सदरमुकाम आउजाउ गर्ने गर्छन । पुल हेर्नका लागि पनि दैनिक रुपमा आन्तरिक र विदेशी पर्यटकहरु आउने गरेका छन् ।
पुलमा पैदल हिँड्ने र अवलोकन गर्न आउनेहरुलाई मोटरसाईकल चलाउँदा अप्ठ्यारो भएको गुनासो आएपछि मोटरसाईकल चलाउन रोक लगाएको सहायक प्रमुख जिल्ला अधिकारी ऋषीराम आचार्यले वताए । ‘पुल यसैपनि वढि हल्लिने र त्यसैमाथी वाईक चलाउँदा हिँड्नेहरुलाई निकै समस्या भयो भनेर रोक लगाएका हौँ, उनले भने । उनले पुलमा प्रहरी नै परिचालन गरेर गुडाउन रोक लगाइएको वताए ।
पुलमा मोटरसाईकल गु्ड्न रोक लगाएकोमा कतिपयले राम्रो मानेका छने भने कतिपयले गलत भएको वताउँछन् । घुमाउरो वाटो गुडाएर सदरमुकाम आउजाउ गर्नेहरुलाई पुलमा वाईक चलाउन रोक लगाउँदा १ घण्टाको दुरी गुडाएर सदरमुकाम आउजाउ गर्नुपर्ने वाध्यता परेको छ ।