साउन २४, पर्वत । मास्क नलगाई पर्वतको कुश्मा बजारमा हिँड्नेलाई एक सय जरिवाना तिराउन थालिएको छ । अनुरोध गर्दागर्दै अटेरी गर्न थालेपछि जिल्ला प्रसासन कार्यालयले मास्क नलगाउनेलाई एक सय रुपैयाँ जरिवाना लगाउन थालेको हो ।

शुक्रवार मात्रै कुश्मामा बिना मास्क हिँडडुल गर्ने २१ जना लाई कारवाही स्वरुपमा एक सय रुपैयाँ जरिवाना तिराईएको छ । बजारमा मास्क नलगाई नडुल्न प्रहरीले अनुरोध गर्दै आएको छ । गोजीमा मास्क राख्ने तर नलगाउने, मुखमा नलगाई चिउँडोमा मात्रै लगाउने र जाँच गर्दाको बखत लगाउने अरु बेला वास्तै नगर्ने जस्ता लापरबाही बढेपछि कुश्मामा प्रहरीले कडाई गर्न थालेको छ ।

कुश्माका विभिन्न चोकमा खटिएका प्रहरीले मास्क नलगाउनेलाई पक्रिएर प्रसासनमा पु¥याएर जरिवना तिराएको थियो । मास्क लगाउँदा कोरोना सर्ने संभावना कम हुने भएकाले अनिवार्य लगाउन अनुरोध गरिएको छ ।