पर्वत । पर्वतमा नेपाल प्रजातान्त्रिक महासंघ जिल्ला कार्य समिति गठन भएको छ । नेपाली काँग्रेस जिल्ला कार्य समिति सदस्य डाक्टर चुडामणि शर्माको अध्यक्षतामा समिति गठन भएको हो ।

समितिको उपाध्याक्षमा एकनारायण भुषाल, सचिवमा रामचन्द्र तिवारी र सहसचिवमा शेषराज सुवेदी चयन हुनुभएको छ । कार्य समितिले एक साताभित्र पुर्णता दिलाउन प्रयासरत छ । १५ कार्यसमिति सदस्य रहने समितिमा विभिन्न पेशा व्यवसायमा आवद्ध व्यक्तिहरुलाई सदस्य बनाईनेछ ।

नेपाली काँग्रेसको शुभेच्छुक संस्थाको रुपमा रहेको उक्त संस्थाले पार्टी संगठनलाई बलियो र सजग बनाउने अध्यक्ष शर्माले बताएका छन् । शर्माका अनुसार उक्त समितिले जिल्लाका सात वटै पालिकाका व्यक्तिलाई समावेश गरेर समिति गठन गर्ने जनाएको छ ।