पर्वत । पर्वत जिल्लामा थप दुई जनामा कोरोना संक्रमण पुष्टि भएको छ । प्रादेशिक जनस्वास्थ्य प्रयोगशाला पोखरामा भएको परिक्षणमा मोदी गाउँपालिकाका एक जना पुरुष र एक महिलामा संक्रमण पुष्टि भएको हो ।

संक्रमण पुष्टि भएकामा मोदी गाउँपालिका ४ क्याङका २५ बर्षिय पुरुष र मोदी गाउँपालिका २ देउपुरकी २१ बर्षिया महिला रहेको स्वास्थ्य कार्यालय पर्वतका तथ्याँक अधिकृत तथा सिसिएमसी पर्वतका प्रबक्ता प्रबिण भण्डारीले जानकारी दिए । उनका अनुसार संक्रमण पुष्टि भएका पुरुष क्वारेन्टाईनमा बसीरहेका छन भने महिला संक्रमित महिलाको आफन्त रहेको र घरमै बसीरहेकी छिन।

उनीहरुलाई आइसोलेसनमा ल्याउने तयारी भैरहेको भण्डारीले जानकारी दिए। पर्वतमा हाल ९८ जनामा कोरोना संक्रमण पुष्टि भएको छ। संक्रमित मध्ये ९० जना निको भएर घर फर्किसकेका छन् ।