२३,असार, पर्वत । पर्वत समाज नेदरल्याण्डले जिल्ला अस्पताल पर्वतले स्थापना गरेको ‘विपत कोष’मा एक लाख भन्दा बढि रकम सहयोग गरेको छ । पर्वत स्थायी भर भई हाल नेदरल्याण्ड बस्दै आएका पर्वतेलीहरुको साझा संस्था पर्वत समाज नेदरल्याण्डले अस्पतालले स्थापना गरेको कोषमा १ लाख १७ हजार ३९७ रुपैयाँ सहयोग गरेको हो ।

जिल्ला अस्पताल पर्वतले विपन्न, असहाय तथा आर्थिक रुपमा कमजोर नागरिकहरुको उपचारका लागि स्थापना गरेको कोषमा थोरै भएपनि सहयोग पु¥याउने उद्देश्यले रकम सहयोग गरेको पर्वत समाज नेदरल्याण्डका अध्यक्ष नर रोकाले जानकारी दिनुभयो । उहाँले पर्वत समाज नेदरल्याण्ड र नेदरल्याण्ड रहेका पर्वतेली नेपालीहरुको संयुक्त पहलमा रकम सहयोग गरेको बताउनु भयो ।  उहाँले आगामी दिनमा पनि जिल्ला अस्पताल पर्वतको विकास र प्रर्वद्धनमा सहयोग पु¥याउने प्रतिवद्धता व्यक्त गर्नुभएको छ ।

आर्थिक अभावका कारण उपचारवाट बञ्चित हुनुपर्ने अवस्था सृजना भईरहेको अवस्थामा पर्वत अस्पतालले स्थापना गरेको कोषले गरिव तथा विपन्न नागरिकको जिवनमा प्रत्यक्ष फाईदा पुग्ने रोकाको विश्वास छ । जिल्लामा आइपर्ने प्राकृतिक तथा देवी विपत्ति र जिल्लाको विकासमा सहयोग पु¥याउने उद्देश्यले गठित पर्वत समाज नेदरल्याण्डले यस अघि पनि जिल्लामा थुप्रै सामाजिक काम गदै आएको छ ।

जिल्ला अस्पताल पर्वतले स्थापना गरेको विपद कोषमा हालसम्म दश लाख ३३ हजार ७ सय ३२ रुपैयाँ संकलन भएको छ । संकलित रकमलाई मुद्धति खातामा राखेर व्याजबाट विपन्न तथा असहाय व्यक्तिहरुको उपचारर्थ खर्च गरिने अस्पताल विकास समितिका अध्यक्ष गोविन्द पहाडी गिरीले जानकारी दिनुभयो । उहाँले  भौगलिक दृष्टिले टाढा भएपनि भावनात्मक रुपमा साथ भएको अनुभूति गराउने गरि सहयोग प्रदान गरेकोमा पर्वत समाज नेदरल्याण्डका अध्यक्ष नर रोका लगायत पदाधिकारी एवम् सम्पूर्ण पर्वतेलीहरुलाई धन्यवाद व्यक्त गर्नुभएको छ ।