असार १८, पर्वत । पर्वतको कुश्मा नगरपालिका वडा नं. ९ कटुवाचौपारी स्थित सन्धिपाखामा पहिरोले घर लग्दा स्थानीय कृष्ण बिकको परिवार समस्यामा परेको छ ।

पछिल्लो समय अत्याधिक वर्षाका कारण घर पछाडिवाट आएको पहिरोले उहाँको घर पुरिएको हो । अत्याधिक वर्षाका कारण घर पहिरोले झुन्डिएको छ । रातभर परेको अविरल बर्षा र वरपरको जमिन कमजोर भएकाले घर पहिरोको उच्च जोखिममा रहेको विकले बताउनुभयो । कृष्ण बिक र उसको परिवार भने भागेर ज्यान बचाउन सफल भएका छन ।

कृष्ण बिकको परिवारमा उहाँकी श्रीमति डासी बि,क, छोरा सुरज बि,क, बुहारी देबि बि,क, छोरा सुजन बि,क, नातिनिहरु आकृति र प्रकृति गरि ७ जना रहेको परिवारमा १ छोरा सुरज बि,क,रोजगारीको सिलसिलामा भारत रहेका छन भने कोरोनाका कारण अहिले काम नगरी बसेको र कमाइ पनि नभएपछि घरमा पैसा पठाउन नसकेको बताउनुभयो ।

गरिबिका कारण परिवारको सानातिना सपना पूरा गर्न बिदेशिएका सुरज आफै पिडामा छट्पट्याएका छन भने यता पहिरोका कारण घरपरिवार को बिचल्ली भएको भन्दै सहयोगका लागि अपिल गर्नुभएको छ ।

प्राकृतिक बिपत्तिका कारण घर संकटमा परेपछि पविारको उचित बासका लागि सहयोग माग गर्दै हिडेपनि अहिलेसम्म कतैवाट सहयोग नपाएको विकको गुनासो रहेको छ ।