असार ११, पर्वत । कोरोना संक्रमण समुदायमा फैलिएको आशंका पछि पर्वतको कुस्माबजारका केही क्षेत्र, आम्बोट र ओडारे क्षेत्रमा आवगमन बन्द गरिने भएको छ । कोरोना रोकथाम तथा नियन्त्रण जिल्लास्तरीय समन्वय समिति (सिसिएमस) पर्वतको बुधबार बसेको बैठकले दुई साता आवगमन तथा पसलहरु बन्द गर्ने निर्णय गरेको हो ।

जिल्ला प्रशासन कार्यालयमा भएको बैठकले कुस्मा अस्पताल र पर्वत मेडिकल हल आंशिक रुपमा बन्द गर्ने निर्णय गरेको छ । संक्रमित चिकित्सकले सेवा दिएको पाइएकाले यी दुई स्वास्थ्य संस्था आंशिक रुपमा बन्द गर्ने निर्णय गरेको हो भने कुस्माको साझाचोक देखि धनेश्वरचोक क्षेत्र तथा आम्बोट बजार र ओडारे क्षेत्रमा आवगमन बन्द गर्ने र पसल ब्यबसाय बन्द गर्ने निर्णय गरको छ । कुस्मा अस्पताल र पर्वत मेडिकल हलको सेवा आँशिक रुपमा खुल्ला हुनेछ । यी स्वास्थ्य संस्थामा इमर्जेन्सी र फार्मेसी सेवा बाहेक अन्य सेवा बन्द हुने सञ्चालकले बताएका छन ।

प्रमुख जिल्ला अधिकारी शम्भुप्रसाद रेग्मीले दुई साता सम्म यी क्षेत्रमा आवमन रोक्ने र पेशा ब्यबसाय बन्द गर्ने सहमित भएको बताउनुभयो । पर्वतमा ८ जना स्वास्थ्यकर्मी, ५ जना सर्वसाधरण सहित अहिले सम्म ६८ जनामा स.क्रमण देखिएको छ । संक्रमित मध्ये १० जना निको भैसकेका छन ।