जेठ ३२, पर्वत । पर्वतको कुश्मा नगरपालिका – ३ दुर्लुङमा पहिरोमा पुरिएर ३ जनाको मृत्यु भएको छ भने ६ जना अझै वेपत्ता छन् ।  गएराती साँझबाट आएको खण्डबृष्टिका कारण पहिरो जाँदा २ वटा घर पहिरोले पुरेको थियो । पहिरामा पुरी ९ जना मानिस वेपत्ता भएका थिए । २ वटा घरका उनीहरु मध्ये ३ जनाको भने हिजो राती नै शव फेला परेको थियो । बाँकी ६ जनाको खोजी कार्य जारी रहेपनि यो समचार तयार गर्दासम्म पत्ता लागेको छैन ।

पहिरोमा परेर स्थानीय तुलबहादुर थापा, उनकी श्रीमति मिनकुमारी थापा र ११ बर्षिया बालिका दिविसा थापाको मृत्यु भएको छ । उनीहरुको शव पहिरोले पुरिएको अवस्थामा शनिवार राती निकै निकालिएको थियो । पहिरोले स्थानीय तुलबहादुर थापा र कमला विकको घर पहिरोले पुरेकोे हो । पहिरोमा थापाको परिवारमा थापाको परिवारमा ६ जना र विकको परिवारका ३ जना मानिस पुरिएका थिए । अहिले पहिरोग्रस्त क्षेत्रमा नेपाली सेना, नेपाल प्रहरी र शसस्त्र प्रहरीले पुरिएका मानिसहरुको खोजी गरीरहेको छ ।

हिजो राती करिब १० बजेको समयमा पहिरो गएको कुश्मा ३ का वडाअध्यक्ष तेजप्रसाद पाध्याले जानकारी दिए । ‘भिषण पानी आएको थियो’ उनले भने–‘गाउँमा भएको भौतिक क्षतिको विवरण संकलन हुँदैछ ।’ मनसुन शुरु हुनै लाग्दा उक्त वस्तीमा ठूलो मात्रामा पानी परेको थियो । बर्षातका कारण अन्य घरहरुमा समेत क्षति पुगेको स्थानीय इन्द्र पौडेल बताउँछन ।