जेठ ३१, पर्वत । जिल्लाको कुश्मा नगरपालिका वडा न ३ दुर्लुङमा भिषण पानीसंगै आएको पहिरोका कारण २ वटा घर पहिरोले पूर्णरुपमा क्षति पुराएको छ । २ वटा घरमा ९ जना मानिस पुरीएका छन । कुश्मा ३ सरनचौरमा तुलबहादुर थापा र कमला विकको घर पहिरोले पुरेको हो । घरमा रहेकाहरु मध्ये २ जनाको शव भेटिएको घटनास्थलमा पुगेका जिल्ला प्रहरी कार्यालय पर्वतका प्रहरी निरीक्षक बुद्धि सुबेदीले जानकारी दिनुभयो ।

सुवेदीका अनुसार तुलबाहादुर थापाको श्रीमती र उनकी ११ बर्षिया नातिनीको शव फेला परेको छ । बाँकी ७ जना भने अझै हराइरहेका छन् । उनीहरु सम्पर्कमा नरहेको सुवेदीले बताए । स्थानीय सूर्यबाबु गिरीका अनुसार अहिले पहिरोग्रस्त क्षेत्रमा स्थानीय र सुरक्षाकर्मी उद्धारमा खटिएका छन् ।

रातको समय भएका कारण भने उद्धारमा कठिनाइ भएको छ । क्षतिको पूर्ण विवरण अझै प्राप्त हुन सकेको छैन