जेठ ३१, पर्वत । जिल्लाको कुश्मा नगरपालिका– १४ आर्थरडाँडाखर्कमा नबजात शिशुको हत्या गरी फरार एक महिला सात वर्षपछि पक्राउ परेकी छिन् ।

साविक आर्थर डाँडाखर्क वडा नंम्वर ७ अधेरीनेटा स्थित  यमबहादुर नेपालीको श्रीमती ४७ वर्षिया अमृता भन्ने तारा नेपाली पक्राउ परेकी हुन् । नेपालीले अबैध गर्भ बोकी २०७० साल फागुन १२ गते नबजात शिशु स्थानीय नेटामा भन्ने ठाउँमा जन्माएर हत्या गरी  फरार भएकी थिईन ।

जिल्ला प्रहरी कार्यालय पर्वतबाट प्रहरी निरीक्षक बुद्धिप्रसाद सुवेदीको कमाण्डमा बिशेष टोली खटिई गई वडा प्रहरी कार्यालय बगर कास्कीको सहयोगमा खोजतलास गर्दै जाने क्रममा कास्कीको माछापुच्छ्रे गाउँपालिका वडा नं. ३ घाचोक स्थित यामबहादुर नेपालीको घरमा लुकीछिपी बसेको अवस्थामा पक्राउ परेकी हुन् ।

उनलाई प्रहरीले बिहीवार साँझ ८ बजेको समयमा पक्राउ गरीएको प्रहरीले जनाएको छ । अभियुक्त नेपालीलाई कर्तब्य ज्यान (नवजात शिशुको हत्या ) शिर्षकमा अनुसन्धानका लागि शुक्रवार जिल्ला सरकारी वकिल कार्यालय पर्वत मार्फत जिल्ला अदालत पर्वतबाट म्याद थप गरी अनुसन्धान भईरहेको प्रहरी नायब उपरिक्षक विश्वराज अधिकारीले जानकारी दिनुभयो ।