जेठ २०, पर्वत । पर्वतमा भारतबाट फर्किएका थप १८ जनाको रिपोर्ट प्राप्त हुन बाँकि रहेको पर्वत अस्पतालले जनाएको छ । स्वाव संकलन गरि तीन दिन अगाडी पठाईएका २३ जनाको आज रिपोर्ट प्राप्त भएको र ति मध्ये ५ जनामा संक्रमण भएको र १८ जनामा संक्रमण नभएको पाईएको थियो ।

४१ जना मध्ये बाँकी १८ जनाको रिपोर्ट आउन बाँकी रहेको बताईएको छ । पर्वतमा आज (मंगलवार) सम्म भारतबाट १५९ जना भित्रिएका छन् । सबैजना क्वारेण्टाईनमा रहेका छन् । आज नै भारतबाट थप ३६ जना आउने जिल्ला प्रहरी कार्यालय पर्वतले जनाएको छ । (मंगलवार)  बसेको जिल्ला कमाण्ड पोष्टको बैठकले क्वारेण्टाईनको क्षमता बढाउने निर्णय गरेको छ । कुश्मामा रहेको शिवालय माविको ५० जना क्षमताको क्वारेण्टाईनलाई डेड सय क्षमताको बनाउने निर्णय भएको प्रमुख जिल्ला अधिकारी शम्भुप्रसाद रेग्मीले जानकारी दिनुभयो ।

रेग्मीले शिवालय माविमा शौचालय थप्ने, धारा व्यवस्थित गराउने निर्णय कमाण्डपोष्टले गरेको छ । गुप्तेश्वर क्याम्पसमा पनि क्वारेण्टाईन थप्ने र सेनाले सुरक्षाको जिम्मा लिने र खर्चको व्यवस्थापन स्थानीय तहले व्यहोर्ने सहमती भएको प्रमुख जिल्ला अधिकारी रेग्मीले बताउनुभयो ।