Correspondent, ParbatNepal
5 years ago
1672
जेठ ५, पर्वत । पर्वतको कुश्मा नगरपालिकाका १० वटा वडामा ५/५ बेडको क्वारेण्टाईन निर्माण हुने भएको छ । सबै वडाले आफ्नो अनुकल स्थानमा क्वारेण्टाईन निर्माण गर्न थालिएको कुश्मा नगरपालिकाले जनाएको छ ।
आईतवार बसेको नगर कार्यपालिकाको बैठकले उक्त निर्णय गरेको हो । कुश्मा नगरपालिकाका ४,५ ६ र ७ का लागि शिवालय माविमा क्वारेण्टाईन बनिसकेकोले कुश्मा नगरपालिका १, २, ३ , ८ , ९, १०, ११,१२, १३ र १४ वडामा एक÷एक वटा क्वारेण्टाइन बनाउन थालिएको नगरप्रमुख रामचन्द्र जोशीले जानकारी दिनुभयो । कुश्मा नगरपालिका १२ ले भने यसअघि नै क्वारेण्टाईन निर्माण गरिसकेको छ ।
भारतबाट र वाहिरी जिल्ला बाट कोहि नयाँ व्याक्ति आएमा उनीहरुको निगरानीका लागि क्वारेण्टाईन बनाउन थालिएको हो । नव आगन्तुकलाई अनिवार्य क्वारेण्टाईनमा राखेर पिसिआर परिक्षण गर्न निर्देशन दिईएको जोशीले बताउनुभएको छ । नगरपालिकाले किसानहरुका उत्पादन सहज रुपमा बजारीकरणका लागि सहज बनाउने निर्णय भएको छ । त्यस्तै काम नपाएर समस्या भएका नागरिकलाई सहयोग गर्न नगरपालिकाले योजना बनाएको पनि जनाईएको छ ।