Author
ParbatNepal
ParbatNepal

Correspondent, ParbatNepal

2 months ago

186




पर्वत शंखरपोखरीमा एक सातापछि बिजुली बल्यो
पर्वत शंखरपोखरीमा एक सातापछि बिजुली बल्यो

बैशाख १४, पर्वत । हावाहुरीसँगै परेको चट्याङले प्रसारण लाईनको ट्रान्सफर्मरमा क्षति पु¥याएपछि विद्युत आपुर्ति बन्द भएको पर्वतको एक गाउँमा एक सातापछि बिजुली बलेको छ । पर्वतको फलेवास नगरपालिका३ शंखरपोखरीमा एक सातापछि बिजुली बलेको हो ।

 

गत आईतबार साँझ परेको चट्याङका कारण क्षति पुगेको ट्रान्सफर्मर लगायतका बिद्युतिय सामग्रीको मर्मतपछि बिद्युत सेवा सुचारु भएको विद्युत प्राधिकरण पर्वत वितरण केन्द्रले जनाएको छ । बैशाख ७ मा परेको चट्याङले शंखरपोखरीकै एक महिलाको ज्यान समेत लिएको थियो । विद्युत आपुर्ति बन्द हुँदा शंकरपोखरीका खल्डाँडा, विरौटा, अमल्लाह, टिउरे, सराङ्दी, लगायतका गाउँका झण्डै ३ सय घरधुरी अन्धकारमा थिए ।

 

चट्याङले विद्युतको तार, पोल लगायत ट्रान्सफर्मर भएको ठाउँमा वरिपरिसमेत क्षति पु¥याएको थियो । हिजोदेखि विद्युत नियमित भएको शंखरपोखरीका स्थानीय सौगात रिजालले बताउनुभयो । विद्युतीय ट्रान्सफर्मर र इन्सुलेसनमा क्षति पुगेकाले लगातार पाँच दिन लगाएर मर्मत गरेपछि बिद्युत आपूर्ति नियमित गरिएको वितरण केन्द्र पर्वतका प्रमुख ललित नारायण चौधरीले बताउनुभयो ।

सम्बन्धित समाचार (फलेवास नगरपालिका )
सम्बन्धित समाचार ( स्थानीय तह)