मैले भोगेको जिबन
दिपीका भुषाल     10 months ago
मैले भोगेको जिबन
पर्बत घर भै हाल इजरायल मा बसोबास गर्ने दिपिका भुसाल अन्तराष्ट्रिय पर्बत समाज को उपाध्यक्ष हुन्

दिपीका भुषाल

जिबनमा अनगिन्ती मोड हरु आउछन र हरेक मोड बाट फरक मार्ग हरु फरक दिशा तर्फ निस्कन्छन । कतै बाटा हरु मिसीएका पनि हुन्छन तर मान्छे ले कुन बाटो मिसीएको हो र कुन छुटिएको हो भनेर चिन्न सक्दैन । कुन नदी हो र कुन भंगालो हो भनेर छुट्याउन नसक्ने अवस्था मा पनि समय र परिस्थिती अनुसार सबै कुराको सामना गर्दै यात्रा गर्नु पर्दो रहेछ ।

समयको बेग सँग बहकिदा कहीले दुखका ठुला पहाड, समस्याका भेल, सम्वन्धका झरी र भावनात्मक हुरी बतास संग पौठेजोरी खेल्नु परे पनि सहज रुपमा सामना गरेको अभिनय समेत पर्दो रहेछ जिबनमा । हो मैले पनि जिबन सँग धेरै संघर्ष गरें र गर्दै छु । ब्यबहारमा हार या जित जे भएपनि हिम्मत भने कहिले हारेकी छैन र जिबनको अन्तिम पल सम्म पनि समस्या संग निर्धक्क भएर लड्ने नै छु । समस्या सँग हार मानेर पाइला हरु लाई लडखडाउन दिने छैन यो मेरो आत्म विश्वास हो ।

साचिकै भन्नु पर्दा मैले सानो उमेरमा जति धेरै उतार चढाव भोगेकी छु, जीन्दगीका दुख सुख महसुस गरेकी छु क सम्पन्न र गरिवी सबै चिज लाइ नजिक बाट राम्रो सँग नियालेकी छु । दुख के हो सुख के हो आफ्नो को हो र पराइ त्यो पनि नजीक बाट अनुभव गरेकी छु ।

मिठो बोल्ने सबै आफ्नो हुदैन,आफ्नैले दिएको धोका बाट मैले राम्रो सिक्षा लिएकी छु । संसारमा भएका आफन्त हरु सबै आफ्ना हुदैनन तर कुनै पनि पराइ अचानक आफ्नो सबैभन्दा नजिकको मान्छे बन्न सक्दोरहेछ भन्ने मेरो अनुभव रहेको छ । न आफन्त टाढीन समय लाग्छ न पराय नजिक हुन समय लाग्छ । जिवन पानी र प्रेम नहर जस्तो । जिवन लाई प्रेम ले आफ्नो आकार अनुसार बग्न दिन्छ । मार्ग प्रसस्त गर्छ । जिवन पानी हो जता ओरालो उतै बग्दिन्छ । नहर विनाको बगाई कहाँ पुगेर सुक्छ थाह हुदैन । प्रेम ले जिवनलाई गन्तब्यमा पुर्याउछ त्यो ध्रुव सत्य कुरा हो ।

जव मान्छे मिठो बोल्छ त्यो भित्र केहि न केही रहस्य अबस्य लुकेको हुन्छ । स्वार्थी मान्छे हरुले सके सम्म अरुलाई प्रयोग गर्छन र प्रयोग जे जस्तो तरिका बाट फाईदा लिन सकिन्छ त्यसरी नै प्रयोग गर्छन ! जब उपयोगीता सकीन्छ या उपयोग गर्न सकिदैन जस्तो लाग्छ अनि मिल्काई दिन्छन् यो पनि अर्को धुर्व सत्य कुरा हो ।

मान्छेको जातनै स्वार्थी मैले मेरो जिबनमा थुप्रै स्वार्थले भरिएका हरु लाइ भेटेकी छु ! भोगेकी छु ! नजिक हुदा आफ्नै जस्तै अत्यन्तै आत्मीयता प्रदर्शन गर्दै आउछन, मानौकी त्यो मेरो लागि हिरा,मोति जस्तै बहुमुल्य बस्तु जस्तै गरि देखाई दिन्छ । तर टल्किदैमा सबै पत्थर हिरा हुदैन भन्ने कुरा त्यही देखावटी ब्यवहार गर्ने हरुले नै सिकाएर गएका छन ।

जीन्दगी सोचे जस्तो हुदैन कसैको पनि ! मेरो पनि छैन उस्को पनि छैन अनी उनको पनि छैन ! जीन्दगीमा धोका बिछोड, दुख पिडा, गरिब धनि,ज्ञानी अज्ञानी अबस्य सबै छन, सबैको छ र हुन्छन पनि ।

तर मान्छेले क्षणीक भौतिक खुशी र सुखमा रमाउदै दुखी र पिडीत हरुलाइ घोचेर ब्यवहार गर्छ । उसले बिर्सन्छ भोलि के थाहा उसको ठाउँ पनि तेही निम्न दुखी पिडीत हरुको जस्तै हुन सक्छ भन्ने । भर्खरै देखीएके कुरा ताजा ताजा जस्तै छ । केहि क्षणमा नै मान्छे करोड पति बाट रोडपति भएको सबैले देखेका छौ महसुस गरेका छौ । भोली कसैले देखेको छैन । के हुन्छ कस्तो हुन्छ को मान्छे के भएर सकिन्छ भन्ने कुरा तसर्थ धन सम्पति, मान सम्मान र आज भएको कुराहरुमा त्यतीनघमन्ड गर्नु राम्रो हो जस्तो लाग्दैन मलाई । -हाल ईजरायल